Padre Guido Hatoo Parabens Ba STL

Amu Paroku Nossa Senhora do Rosario de Fatima Atauro, Padre Guido Pereira. (Foto: Supply

DILI, STLTIMORLESTE.com – Amu Paroku Nossa Senhora do Rosario de Fatima Atauro, Padre Guido Pereira hatoo parabens ba Media Suara Timor Lorosae (STL ), neebe sei halao tinan ba dala 32, iha loron 1 Fevereiru 2025.

“Hakarak hatoo hau nia parabens no bom susesu ba aniversariu Media STL selebra aniversariu ba dala 32, kona-ba ezistensia STL nian, tanba hatene katak STL nee hanesan media ida neebe mak eziste kleur iha ita nia rai doben da nee, liu-liu eziste iha tempu okupasaun Indonezia nian nafatin too ohin loron,” hatete Pe. Guido ba STL liu husi telefone, Segunda nee (27/01/2025).

Pe. Guido haktuir, Media STL hanesan komunikasaun neebe mak eleva ninia kualidade aas tebes, ninia profesionalizmu tomak nuudar instrumentu ida neebe mak pro povu neebe hamutuk ho povu hodi hatoo nafatin povu nia halerik, povu nia lian, STL sai nuudar povu nia matan tilun no ibun kona-ba povu nia preokupasaun tomak iha rai laran.

Tanba nee, STL nia kontribuisaun neebe aas tebes, tanba nia nuudar media ida neebe mak hanesan eziste kleur ona no ninia importansia habelar informasaun liu-liu hatoo informasaun informativu nomos profesionalizmu nee iha investigativu kona-ba problema la fo sai deit, maibe investiga problema sira nee too ninia rezultadu la lori duvidas ba povu, nunee ninia importansia ba sosiedade mak nia kontrolu sosial neebe makaas tebes iha sosiedade nia laran.

Ezistensia jornal STL nee mantein nafatin asinantes sira nomos komunidade sira eleva espiritu kultura leitura nian, kultura lei ninian, ida nee mak kontribuisaun importante edukasaun sivika nomos hatoo los kultura matenek nian, halo povu ida nee la izola nia aan, la sente nia aan mesak, tanba hariku ho informasaun sira neebe fo sai husi jornal STL.

Entretantu Media STL eziste iha loron 1 Fevereiru 1993, nunee iha loron 1 Fevereiru 2025 sei selebra ninia aniversariu ba dala 32.

(joa)

Share it :

Leave a Reply

Your email address will not be published. Required fields are marked *