PAMD Entrega Termu Rezignasaun Ba MAE Tuir Dekreru Lei Nu. 3/2016

Serimoni entrega termu rezignasaun husi Prezidente Autoridade Munisipiu Dili (PAMD), Grigorio Saldanha "Mauris" ba Ministeriu Administrasaun Estatal (MAE), Tomas do Rosario Cabral. (Foto: Espesial).

DILI, STLTIMORLESTE.com – Prezidente Autoridade Munisipiu Dili (PAMD), Grigorio Saldanha “Mouris” entrega termu rezignasaun ba Governu liu husi Ministeriu Administrasaun Estatal (MAE), bazeia dispozisaun Nu. 1 artigu 21 tuir dekretu lei Nu. 3/2016 iha loron 16 fulan Marsu, neebe publika fila-fali husi dekretu lei Nu. 84/2023 iha loron 23 fulan Novembru.

“Pedidu ida nee enkamina ba Primeiru Ministru (PM), Kay Rala Xanana Gusmão, atu bele tetu no foti desizaun tuir baze legal neebe vigora, entaun desizaun Primeiru Ministru hatun despaisa iha loron 14 Janeiru 2025 katak aprovadu,” dehan Ministeriu Administrasaun Estatal (MAE), Ministru Tomas do Rosario Cabral, hafoin akompanha sesante PAM Dili, halo serimonia entrega termu rezignasaun iha MAE, Kaikoli Dili, Tersa nee (28/01/2025).

Kompeténsia atu nomeia no ezonera ba Prezidente Autoridade Munisipal sira eskluzivu nee kompetensia Primeiru Ministru, tanba nee iha periodu hein desizaun Primeiru Ministru ba PAM interinu sei asumi husi Diretor Jerál Desentralizasaun no Governu Lokál (DJDGL), Antonio A. Guterres.

Tanba husi serimonia termu entrega realiza bazeia ba karta ho refensia Nu. 16/PAM Dili /MAE/I/ 2023, loron 13 Janeiru Janeiru 2025. Katak aprezenta pedidu renunsia kargu Prezidente Autoridade Munisipal Dili, tanba situasaun kritiku sira iha Autoridade Munisipal Dili.

Entretantu, Prezidente Autoridade Munisipiu Dili Sesante, Grigorio Saldanha “Mouris” hatete, “hau nia pozisaun nuudar PAM, falta autonomia administrativa, tanba AMD nia dependensia makas ba MAE.

“Impede hau atu asegura preparasaun nesesaria ba desentralizasaun governu lokal, hanesan estabelese husi politika Governu Konstitusional, tanba hau preokupasaun mak ema konsidera nuudar adversariu ka inimigu husi politiku ba Governu.

Tanba nasaun Timor Leste presiza duni atu kombate indisiplina, korrupsaun, nepotizmu no prrtika familiar, tuir kompromisu sira husi IX Governu Konstitusional ,” dehan nia.

(EST 1)

Share it :

Leave a Reply

Your email address will not be published. Required fields are marked *