DILI, STLTIMORLESTE.com – Povu Aileba organiza malu presta omenajen ba saudozu eis Prezidente Republika, Francisco Guterres “Lu Olo”.
Iha loron Kinta nee (25/06/2026) povu aileba organiza malu hodi presta omenajen ba saudozu eis Prezidente Republika Francisco Guterres Lu Olo iha nia rezidensia Farol, aleinde nee sira mos lori sasan neebe sira faan durante nee oferese ba dapur.
Iha biban nee Povu Aileba, Rosalina P. de Jesus ba STl iha Farol, Kinta nee (25/06/2026) hatoo nia sentimentu tristeza tanba lakon aman luta nain ida neebe hadomi povu aileba durante nee, maibe ohin husik ona sira, tanba nee sira mai hodi presta omenajen no rein ikus ba saudozu ona.
“Ami sente triste tanba lakon ami nia eis Prezidente, nia terus iha ai laran maibe ohin soe hela ami povu ida nee, ohin mai ami hakarak hetan netik nia oin ikus nia lai,” dehan Aileba.
Nunee mos povu aileba Marcos de Jesus hatutan, sente triste tanba lakon eroi diak ida neebe durante nee serbi povu diak tebes.
“Sente ho laran triste, tanba Avo Lu Olo nia servisu durante nee diak tebes ba povu Timor, maibe ohin lakon tebes ona, lakon ema diak ida iha ita nia leet,” katak nia.
Tuir observasaun neebe STL hetan bainhhra povu aileba lori sira nia sasan hanesan hudi, sabraka, forerai no sasan seluk tan tama mai laran komisaun organizadora organiza hakat kedas ba oin hodi presta omenajen depois remata sira lori sasan sira nee ba entrega iha ekipa sira iha dapur.
(eme)
