DILI, STLTIMORLESTE.com – Prezidente Republika (PR), Jose Ramos Horta hatete, investe iha feto Timoroan, investe iha fururu Nasaun nia.
“Iha tinan 2022 t00 2026, ita hadia ona feto barak nia moris no ita hametin ekonomia lokal ho tulun ba feto 2.000 iha rai laran tomak,” dehan Prezidente Republika liu husi Nia pajina ofisial ne’ebe STL asesu, Sesta (04/09/2026).
Prezidente dehan, durante nee Kapasitasaun feton na’in 832 hetan treinu jestaun negósiu ki’ik iha munisípiu liu 10.
Ekipamentu feton na’in 980 simu ekipamentu hanesan mákina suku-ropa, ahi-matan, mákina padaria no kafé nian.
“Asesu ba merkadu Ita-nia feton na’in 300+ hetan fatin hodi bele fa’an no promove sira-nia produtu liu husi eventu sira iha Palásiu Presidensiál,” dehan nia.
Sasán Negósiu feton na’in 58 simu kareta-oan fa’an sasán (gerobak) atu suporta no hametin rendimentu família nian.
Apoiu diretu feton na’in 217 ne’ebé kbiit-laek hetan apoiu finanseiru diretu atu tane sira-nia mikro-negósiu.
“Programa 100% Inklusivu Ita integra ema ho defisiénsia no komunidade LGBTIQ+, hodi garante katak la husik ema ida iha kotuk. Infrastrutura Komunidade: Apoiu ba reabilitasaun Merkadu Maubara (parseria ho Rotary Darwin) no fahe kadeira roda,” katak Horta.
Kada sertifikadu ne’ebé entrega, no kada negósiu ki’ik ne’ebé moris iha imunisípiu 13, hametin fiar ne’ebé dehan, “Wainhira ita empodera feto ida, ita hametin komunidade tomak no haburas rai doben Timor-Leste ne’ebé justu,” katak Horta.
Servisu Empoderamentu Ekonomia Feto, Inisiativa Presidénsia Ramos Horta.
(eme)
