PR Horta Kongratula Media STL Selebra Aniversariu Ba Dala 32

Prizidenta Republika, Jose Ramos Horta. (Foto: STL/Emerenciana Pinto)

DILI, STLTIMORLESTE.com – Prezidente Republika (PR), Jose Ramos Horta hatoo kongratulasaun ba Media Suara Timor Lorosae (STL), neebe selebra nia aniversariu ba dala 32 eziste iha Timor Leste.

Prezidente Republika Jose Ramos Horta hatoo kongratulsaun nee ba jornalista STL iha Palasiu Prezidensial Nikolao Lobato, Bairo Pite, Segunda (27/01/2025).

Iha biban nee, Prezidente Republika hatoo kongratulasaun ba Fundador Media STL hamutuk ho ekipa neebe ho fuan boot servisu todan, hodi harii Media STL iha tempu neebe TL seidauk hetan ukun rasik aan.

“Parabens ba STL, ba fundador sira, ba finansiador sira, investidor sira, editor no jornalista sira hotu-hotu neebe halo ona aniversariu 32 anos, nee signifika antes independensia, servisu todan dedikasaun halo jornal ida ke diak, STL media, STL Televizaun, STL Online, nee hau hatene senhor Salvador Soares servisu makaas ho fuan, ho profesionalizmu, tinan sira nee nia laran no ba jornalista sira hotu-hotu. Imi hotu-hotu iha STL hau nia parabens no agradese imi nia kontribuisaun ba informasaun, no formasaun iha rai laran, obrigadu no parabens,” dehan PR Horta.

Iha biban nee, Prezidente Republika mos hatoo agradese ba Media STL nia ezistensia durante nee, neebe kontribui ona informasaun iha rai laran.

Jornal STL hahu publika iha loron 1 fulan Fevereiru 1993, no iha dia 1 Fevereiru tinan nee sei selebra aniversariu ba dala 32 eziste iha nasaun nee.

Media STL oras nee daudaun iha Jornal, Radio, Televizaun, Online no live streaming STL.

(eme)

Share it :

Leave a Reply

Your email address will not be published. Required fields are marked *