DILI, STLTIMORLESTE.com – Prezidente Republika (PR), Jose Ramos Horta halo enkontru ho Ministru Interior (MI) Australia, Tony Burke, iha hasoru malu nee Prezidente husu atu tau matan ba trabalhador Timoroan iha Australia no husu atu aumenta numeru.
Prezidente Republika, Jose Ramos Horta hatoo kestaun nee ba jornalista sira iha Kantina Matak Palasiu Prezidensial, Tersa (28/01/2025)
PR hatete, nia halo enkontru ho Ministru Interior Australia, Tony Burke atu tau matan ba trabalhador Timoran neebe oras nee iha Australia.
“Ministru Portofoliu inkui nia mak hanesan responsável ba trabalhador sira neebe ba Australia, ema ida diak, Tony Burke ema ida ho fuan, ohin kuandu hahu reuniaun nia hatete nunee, hau dezde joven kedas sempre rona Ramos Horta nia naran iha Australia, ema ida ke sentimentu diak hamutuk ho Primeiru Ministru Australia, sira buka hametin relasaun, hau koalia liu kona-ba trabalhador sira Australia, primeiru aumenta numeru, segundu haree sira nia moris nee bele diak selu impostu menus, tanba agora daudaun ita nia trabalhador sira iha neeba maske sira la hetan asistensia mediku gratis tanba sira estranjeiru, tanba nee selu impostu boot, entau hau dehan favor haree ida nee hatun para sira bele hetan osan boot liu haruka mai familia.
Prezidente Republika hatete, Governu Australia lao tuir lei no ordem no direitus umanus nia, maibe patraun balu la halo tratamentu diak ba trabalahador sira, tanba nee trabalhador balu keixa nee laos Timoroan sira deit mak hasoru, maibe husi ilha fasiku mos hasoru.
“Hau hatete favor tau matan ba ida nee, hau konfia imi, hau konfia Governu Australia ba nia komitmentu ba direitus umanus, maibe patraun sira balu, provadu balu laos hotu-hotu la tuir regra direitus umanus iha Austrália, klaru sira haree ida nee, iha asuntu seluk koalia mos ho Primeiru Ministru kona-ba Greter Sunrise nee hau la hatene, hau seidauk rona Primeiru Ministru oinsa ho ida nee, agora fulan Janeiru atu remata ona komunikadu konjuntu sai ona, maibe bainhira mak sira halo konkretizasaun ba ida nee hau la hatene no seidauk hetan Informasaun update husi Primeiru Ministru,” katak PR Horta.
Xefe Estadu dehan, iha asuntu seluk koalia mos ho Primeiru Ministru katak, PR kontente halo parseria ho Defeza Seguransa Australia tinan 20 resin ona, elementu forsa Australianu iha rai Timor servisu diak, halo formasaun diak ho F-FDTL sira fo apoiu makaas nomos Polisia Australiana.
(eme)