DILI, STLTIMORLESTE.com – Prezidente Republika (PR), Jose Ramos Horta felisita Universidade Nasional Timor Lorosae (UNTL) neebe ohin selebra aniversariu ba dala 24 iha Timor Leste.
Xefe Estadu hatoo kestaun nee ba jornalista sira, bainhira remata selebrasaun tinan 24 ezistensia UNTL, iha Kampus UNTL Hera, Sesta (15/11/2024).
“Premeiru felisita UNTL magnifika Reitor, Dekanu sira, estudante ba aniversariu UNTL nia, progresu tinan-tinan haree husi Reitor no Visi Reitor ekipa kompletu akademika administrativu universidade nia harii universidade ida nee tinan 20 resin, ohin ho pelumenus 40 mil estudante populasaun Timor nia boot tebes, signifika laos fasil halo jestaun,” katak PR, Horta.
Pridente Republika hatete, laos fasil halo jestaun oin-oin no PR mos husu ba governu para haree tau matan diak liu tan, nunee UNTL nia infraestrutura diak liu tan para haree intensivu material ba profesor sira.
No haree mos intensivu ba ekipamentu para moderniza liu tan sistema ensinu, tanba bainhira selebra tinan ida hodi haree ba kotuk saida mak halo ona no saida mak seidauk halo no halo oinsa no saida nee partense ba estadu, tanba UNTL nee universidade publika nee mak estadu tenke konsentra nia atensaun nunee sai universidade ida nivel regional ho renking sira boot iha sudeste aziatiku nia.
Iha sorin seluk, Reitor Universidade Nasional Timor Lorosae (UNTL), João Soares Martins hatutan, ohin UNTL selebra konjuntamente aniversariu loloos monu iha loron domingu, maibe halo antisipadamente ho selebrasaun simples.
Aleinde nee halo mos lansamentu dizitalizasaun UNTL mai ho tema UNTL mais Dizital nee buat ida diak tebes katak UNTL hakat ona pasu ida atu dizitaliza nia prosesu tantu administrasaun akademika, finanseiru projetu, lojistika partimonia aban bainrua sei dizitaliza hotu atu nunee sira neebe mak hakarak asesu bele asesu mais fasil,” katak nia.
(eme)
