DILI, STLTIMORLESTE.com – Prizaun Gleno oras nee daudaun iha bloku 7, hodi tau kondenadu sira neebe kumpri sira nia sentensa iha fatin neeba.
“Prizaun Gleno oras nee daudaun iha bloku 7, no bloku 7 nee iha diferente, balu luan no balu klot,” dehan Diretor Prizaun Gleno, Cristiano Salsinha ba STL liu husi telefone, Kuarta (01/01/2025).
Nia hatutan, iha bloku ida akomula kondenadu nain 35, no bloku ida tan akomula kondenadu 30, ida tan tau kondenadu nain 25, no iha rua akomula kondenadu 40, no iha bloku 3 mak kiik bele akomula kondenadu husi 5 too 10 deit.
No prizaun Gleno oras nee daudaun fatin ba dadur sira sufisiente hela, tanba tuir regra neebe iha Prizaun Gleno bele akomula kondenadu hamutuk 150, maibe oras nee daudaun iha deit kondenadu hamutuk 101.
Maibe iha loron boot Natal no tinan foun, Prizaun Gleno seidauk simu dadur foun, tanba nee dadur iha Prizaun Gleno mantein ho numeru neebe iha.
Iha loron boot Natal no tinan foun iha misa ba kondenadu sira, no iha loron boot nee atividade neebe sira halao durante nee sei para hotu, tanba sira foka liu ba iha formasaun espiritual neebe simu husi parte igreja nian, oinsa prepara aan hodi simu tinan foun.
Tuir dadus neebe iha, Prizaun Gleno oras nee daudaun iha kondenadu hamutuk 101, no iha Guarda Prizional hamutuk 36 neebe halao knaar hodi tau matan ba kondenadu sira.
(ter)
