DILI, STLTIMORLESTE.com – Prezidente Instituto Nacional Combate HIV-SIDA (INSCIDA), Daniel Marçal hatete, relasaun seksual risku mak sai dalan prinsipal ba transmisaun HIV-SIDA iha Timor Leste (TL), tanba HIV laos deit hadaet liu husi raan, maibe hadaet makaas liu husi relasaun seksual.
“Ita koalia konaba HIV nee, ita koalia barak mos konaba seks, kuandu ema sei moris mundu nee atividade seks nee labele regula, oportunidade para halo trasmisaun HIV tanba hanesan imi hatene katak, virus HIV nee la hadaet deit husi raan ka intrumentu boot sira nee ita fasil kontrola, agora ita labele kontrola nee mak buat ida relasaun seksual neebe livre los liu,” Prezidente INSCIDA, Daniel Marçal ba jornalista sira iha sira iha Salaun Grand Beach, Pantai Kelapa, Kinta (23/07/2026).
Nia dehan, agora daudaun fatin desponivel sira iha Sidade Dili barak liu, iha .unisipiu mos komesa iha ona, fatin prositutisaun agora fasilita hela sesksu livre nee.
“Ita nia esforsu nee iha ona rezultadu, agora ema barak ba teste raan ona, la hanesan uluk, no ita hatete ema konaba HIV ita halo kedas intervensaun, halo tratamentu hemu aimoruk ARV, ema moris ho HIV tempu narauk, nee agora rezultadu ita hotu nia esforsu, tanba nee ita iha Timor nee HIV mak barak, SIDA oituan deit,” nia esplika.
Nia tenik, Timor Leste rejistu kazu HIV nee makaas, maibe SIDA nee ladun iha, tanba nee sosializasaun hodi fahe informasaun nee bele halo ema teste raan hodi hatene setatus HIV.
(jen)
