DILI, STLTIMORLESTE.com – Kona-ba eskola neebe mak afeita inundasaun iha tempu udan, parte husi Edukasaun Dili seidauk simu informasaun.
“Konaba inundasaun agora daudaun ami seidauk hetan informasaun husi ita nian eskola sira, nee duni husi ami nian parte seidauk iha informasaun ruma Kona-ba ita nian eskola neebe afeita inundasaun iha tempu udan, liu-liu ita nian eskola neebe mak lokaliza iha Munisipiu Dili ninia, tanba balun afeita ba inundasaun,” dehan Superintendente Edukasaun Munisípiu Dili, Cesarina C. Guterres ba STL iha nia knaar fatin, Kinta nee (28/05/2026).
Iha fatin seluk, Diretor Eskola Sekundariu Jeral nu. 4Setembru Balide, Sergio A. da Cruz dehan, Eskola 4 Setembru sala ualu nee sai risku tebes ba iha inundasaun, liu-liu iha tempu udan sempre afeita ba sala ualu neebe mak ohin mensiona.
“Ami nian Eskola 4 Setembru sala ualu nee sai risku tebes ba iha inundasaun, liu-liu iha tempu udan sempre afeita ba sala ualu neebe mak ohin mensiona. Sala ualu nee sai risku ba iha inundasaun, tanba bainhira udan, bee nakonu iha sala laran, bainhira bee nee maran mak ami nian estudantes sira uza fali sala nee halao aprendizajen,” dehan nia.
Sergio dehan, bainhira udan dala ruma iha parte oin portaun tama mai ninia nee nakonu ho bee no tahu, sala ualu nee bee nakonu inklui branda, nee presiza hamoos no hasai bee nee para maran, hodi bele estudantes sira uza aprendizajen.
“Sala ualu nee parte andar ninia okos nee, sala ida nee ba oin presiza halo reabilitasaun, tanba sala refere sai risku ba inundasaun iha tempu udan, ba asuntu ida nee ami hatoo ona ba iha parte kompetente,” nia esplika.
(jac)
