DILI, STLTIMORLESTE.com – Sekretariu Jeral (SekJer) G7+ relata atividade servisu neebe mak halao durante nee ba iha Prezidente Republika (PR), Jose Ramos.
Bainhira remata hasoru malu, Sekretariu Jeral G7+, Helder da Costa ba jornalista sira iha palasiu Prezidensial, Nicolau Lobato, Bairo Pite, Dili, Kuarta nee (11/12/2024) hatete, ohin halao enkontru kortejia ho Prezidente Republika hodi relata atividade no alkansa hotu neebe G7+ iha ba Xefe Estadu.
“Ohin mai halo vizita kortezia ho prezidente Republika atu atualiza kona-ba alkansa atividade G7+ durante tinan ida iha nivel global nomos nivel nasional ba Prezidente Republika, liu-liu atividade ultima iha Cop 29 kona-ba mudansa klimatika neebe iha Azar Bajaun neebe mak tama iha headline news, neebe ita bolu atensaun ba mundu internasional liu-liu nasaun duador sira, para hatudu sira nia kompromisu ajuda nasaun sira neebe post konflitu ho frazilidade iha mundu tomak, 20 paises nia samada refleksaun tama iha hetline news iha mundu tomak,” dehan Sekretariu Jeral G7+, Helder.
Nia hatutan, informa mos ba Prezidente Republika kona-ba alkansa neebe iha durante tinan hira nia laran G7+ oras nee rekonhesidu iha mundu tomak inklui mos Sekretariu Jeral ONU nia, Prezidente Xina, ho mos organizasaun internasionais.
“Ba ita Timoroan nuudar nasaun kiik oan mais ita mos sai uma nain ba organizasaun G7+ neebe nia naran agora boot tebes iha mundu internasional, tantu Prezidente apresia tebes ho alkansa signifikativu neebe ke iha, no Prezidente mos kompromete tinan oin Prezidente sei partisipa reuniaun sira neebe G7+ halo parseria ho entidade internasional sira seluk mezmu iha Brazil iha tinan oin nomos iha seluk tan,” katak nia.
Prezidente Republika, Jose Ramos Horta hatoo apresia no gratidaun no nia mos hanesan Xefe Estadu preokupa mos kona-ba rai sira neebe mak atraveza nasaun sira neebe mak konflitu hanesan Guine bisau, Afganistaun no seluk tan.
Preokupasaun ba rai sira neebe hasoru konflitu, Prezidente Republika nuudar Xefe Estadu dezeju buat hotu bele normaliza iha tinan oin mai, no G7+ kontinua servisu hamutuk ho Governu Timor Leste ho paises 20 atu nunee bele kontinua nafatin promove pas estabilidade ho dezenvolvimentu iha pais sira nee.
(eme)
