DILI, STLTIMORLESTE.com – Telkomcel lansa ona programa ho inisiativa atu apoiu ba dezenvimentu ekosistema dijital iha Timor Leste (TL).
Liu husi Konferensia Imprensa neebe halao iha Multiuzu Bebora Kinta lokraik (27/02/2025), CEO Telkomcel Benedictus Ardiyanto Priyo afirma, Telkomcel iha kompromisu atu enkoraja inovasaun no aselera transformasaun dijital iha Timor Leste liu husi organizasaun Telkomcel Annual International Summit (TAIS) 2025.
Telkomcel lansa ona programa no inisiativa oin-oin neebe fo apoju ba dezenvolvimentu ekosistema dijital iha Timor Leste.
Telkomcel nuudar fornesedor servisu telekomunikasaun prinsipal ida iha Timor Leste neebe halao papel importante hodi dudu transformasaun dijital iha nasaun nee. Ho rede ida neebe konfiavel no solusaun dijital sira neebe foun liu.
Telkomcel laos deit hatan ba nesesidade komunikasaun pesoal, maibe mos aumenta produtividade negosiu no apoia setor Governu nian.
“Hanesan parte ida husi ninia kompromisu atu aselera dijitalizasaun no kapasita komunidade sira, Telkomcel lansa ona programa no inisiativa oin-oin neebe fo apoiu ba dezenvolvimentu ekosistema dijital iha Timor Leste. Empreza sente orgulhu tebes ho diversidade husi nia funsionariu sira, ho 95% husi Telkomcel nia empregadu liu 200 mak talentu lokal, no 75% husi pozisaun jestor sira okupa husi oan mane no oan feto sira neebe melhor ka diak husi Timor Leste,” dehan CEO.
Aleinde nee, Telkomcel mos apoia igualdade jeneru ho funsionariu feto 50%, neebe hatudu ninia kompromisu ba inkluzividade no dezenvolvimentu lideransa. Ho fundasaun neebe metin iha inovasaun, empoderamentu lokal no igualdade jeneru, Telkomcel kontinua sai nuudar motor xave hodi forma futuru dijital ba Timor Leste.
Telkomcel afirma fali ninia kompromisu atu enkoraja inovasaun no aselera transformasaun dijital iha Timor Leste liu husi organizasaun Telkomcel Annual International Summit (TAIS) 2025. Tinan nee, Telkomcel aprezenta momentu istoriku ida hodi introdus showcase startup teknolojia dahuluk iha Timor Leste, pasu ida importanti hodi apoiu ekosistema dijital neebe dezenvolve liu iha nasaun nee.
Nuudar fornesedor servisu telekomunikasaun prinsipal, Telkomcel kontinua halo inovasaun liu husi aprezenta solusaun dijital sira neebe laos deit hatan ba nesesidade komunikasaun komunidade nian, maibe mos enkoraja kreximentu ekonomiku, produtividade negosiu, no setor governu nian.
Iha TAIS 2025, Telkomcel iha kompromisu atu sai lider ida iha transformasaun dijital, liu husi fornese espasu ba startup teknolojia lokal sira atu hatudu sira nia produtu no solusaun inovativu sira ba parte interesada oin-oin.
Aleinde nee, showcase dijital startup Telkomcel agora nee lori startup sira hanesan Nodeflux neebe envolve iha area Vision AI, Cakap iha Edutech, Good Doctor iha Health Tech, no Widya Robotics, neebe bele loke oportunidade foun no aumenta impaktu pozitivu ba ekosistema dijital iha Indonezia, liu-liu iha Timor Leste.
Telkomcel kontinua apoia avansu teknolojiku sira no hein katak inisiativa ida-nee bele ajuda kria solusaun sira neebe maka fo benefisiu ba komunidade. Telkomcel fiar katak ho hasoru malun husi parte oioin iha plataforma estratejiku ida hanesan TAIS, iha futuru sei fo impaktu pozitivu ba povu Timor Leste.
(eme)
