DILI, STLTIMORLESTE.com — Prezidente Repúblika (PR), José Ramos-Horta kondena ataque terorista hasoru fiar-na’in sira iha Igreja Ortodoksa Grega, Jordania.
Prezidente Repúblika José Ramos-Horta, laureadu Nobel ba Pás, kondena ataque ne’ebé akontese iha Igreja Ortodoksa Grega São Jorge, Provínsia Karak, Jordania, iha loron 23 Outubru 2026.
Ataque ne’e akontese bainhira fiar-na’in sira partisipa iha serimónia funeral relijioza. Aktu ne’e hasoru ema sivíl no viola direitu umanu atu prátika relijiaun ho pás no liberdade.
“Ataque ida-ne’e reprezenta atake ida hasoru ita-nia umanidade no valores komún, respeitu no koezaun sosiál no relijioza,” Prezidente Ramos-Horta afirma.
Prezidente enfatiza katak ema hotu ne’ebé envolve iha planeamentu, ezekusaun no apoiu ba ataque ne’e tenke responsabiliza tuir lei.
Timor-Leste mós espresa solidariedade no apoiu ba autoridade seguransa no judisiária Jordania nian atu garante katak autór sira lori ba justisa, tuir lei ne’ebé vigora iha nasaun ne’e.
(eme)
