Timor Traing Sei Apoiu 10 Mil Ba PR, Hodi Empodera Feto Iha Politika

CEO East Timor Traing, Milena Pires. (Foto: Media PR)

DILI, STLTIMORLESTE.com – East Timor Traing Group sei apoiu orsamentu 10 mil ba Prezidensia Republika (PR), hodi apoiu programa empodera feto iha Politika.

Lia hirak nee hatoo husi CEO East Timor Traing, Milena Pires liu husi nia diskursu iha Kantina Matak Palasiu Prezidensial Nicolao Lobato, Bairo Pite, Tersa (28/01/2025).

Nia hatete, simu informasaun husi Sakib Awan, nain ba Timor Traing Group atu fo hatene katak sei apoiu 10 milba Palasiu Prezidensial hodi kontinua programa neebe iha tulun feto sira inklui labarik sira.

“Tuir diskusaun neebe halao ho Bela Galhos kona-ba programa atu empodera feto iha area ekonomikamente depois rona senhor Prezidente koalia ohin loron kona-ba servisu neebe Prezidensial halo no senhor Sakib ho nia kaben hakarak anunsia katak sira iha ondra tebes atu apoiu US$ 10 mil ba programa emporaderamentu Ekonomiko feto nia, atraves Prezidente mos koalia atu fahe leptop no ohin koalia mos kona-ba dapur atu fo hahan ba labarik sira,” katak nia.

CEO dehan, kriteria iha Prezidente nia liman, no sente ondradu tebes bele anunsia ba kontribuisaun ida hodi apoiu ba Prezidensia Republika.

“Hau atu dehan mos kontribuisaun ida nee mai atravez husi Timor Traind nia programa responsabilidade kontribui ba sosial neebe hola parte importante ida kona-ba atividade Timor Traind nia, programa neebe ami iha parte iha edukasaun rasik harii tiha pre-eskolar 3, ida Iha Ermera, Likisa, Metinaro no ida tan iha Baucau, karik Prezidente iha tempu hamutuk ho ami halo inaugurasaun ba pre- eskolar,” katak nia.

Nunee mos Prezidente Republika Jose Ramos Horta hatete, se fo osan tenke tama ba Ministeriu Finansas, se lae Prezidente Republika fo deit lista sasan, depois mak sosa deit sasan hodi fahe ba labarik sira.

“Senhor Sakib apoiu US$ 10 mil, maibe hau hatete osan nee labele tama iha konta Prezidensia Republika, osan ruma tama tenke liu kedas Ministeriu Finansas, entaun diak liu hau koalia ho sira osan nee sosa buat ruma, hau sei hatete ba sira hola ropa ka sapatu, leptop, depois fo sasan sira nee ba labarik sira, se entrega osan sei konfuzaun fali sosa saida ami fo deit lista sasan nee possibilidade,” katak PR Horta.

Prezidente Republika hatete, ho US$ 10 mil nee bele apoiu fali labarik balu neebe eskola selu sira nia eskola.

Aleinde dividas estranjeiru nia, Governu foin selu deit balu, tanba nee difikulta mos pasiente sira atu transfere ba rai liur, oinsa Prezidente nia hanoin ba ida nee, hatan ba kestaun nee Prezidente Republika hatete, nee dala barak ona.

“Nee dala barak tiha ona, hau rasik koalia ho Ministra Saude fulan ruma liu ba tanba divida nee mai kedas iha 2014 too agora, entaun sira tenke estuda kada idak-idak, la signifika iha divida nee Hospital Singapura haruka divida nee los duni, tanba hospital balu uluk hau rasik deskobre sira aumenta no sira rasik halo abuzu, tanba nee Governu tenke analiza,” katak PR.

PR hatete, diak liu selu deit ona para haruka fali moras iha Timor Leste hodi halo tratamentu ou bele haruka mos ba rai seluk.

(eme)

Share it :

Leave a Reply

Your email address will not be published. Required fields are marked *