DILI, STLTIMORLESTE.com – Ministru Interior (MI), Francisco da Costa Guterres simu Embaixadór Malázia, Fairuz Rozali, hodi diskute hametin kooperasaun bilateral iha área seguransa.
Ministru Interior (MI), Francisco da Costa dehan, iha enkontru nee, parte rua foku ba mekanizmu hodi hametin kooperasaun bilateral, liu-liu iha área seguransa, inklui formasaun, partilla esperiensia no dezenvolvimentu kapasidade institusional ba forsa seguransa.
Iha fatin hanesan, Embaixadór Malázia Fairuz Rozali hatete, Malázia prontu atu fasilita kontaktu besik liu tan entre ajensia relevante sira husi nasaun rua.
“Hau halo reuniaun introdutóriu diak ho Ministru. Ami halo diskusaun konstrutivu konaba oinsa atu hametin kooperasaun bilateral iha area seguransa. Ami prontu fasilita kontaktu no envolvimentu neebe besik liután, no mos atu aumenta kooperasaun iha área relevante sira,” hatete Embaixadór Malázia Fairuz Rozali ba jornalista sira iha salaun MI, Kuarta (26/08/2026).
Nia mos reafirma kompromisu Malázia nian atu kontinua servisu hamutuk ho Ministériu Interior.
Entertatu Governu liu husi Ministeriu Interior kooperasaun nee importante hodi hasae kapasidade no profesionalizmu forsa seguransa, no hodi hametin relasaun bilateral entre Timor Leste no Malazia.
(jen)
