DILI, STLTIMORLESTE.com – Ministeriu Edukasaun (ME) liu husi Unidade Kurrikulu Nasional, tinan 2026 hahu implementa kurrikulu foun ba terseiru siklu.
Dehan Koordenador Gabinete Unidade Kurrikulu Nasional iha ME, Joao Mau Pelu ba jornalista sira iha edifisiu City 8, Manleuana, Dili, Kinta nee (06/03/2025).
“Kurrikulu terseiru siklu ita hakerek hotu ona iha 2024, agora iha tinan kotuk kontinua haketek manual alunu ba setimu ano, ita hahu iha fulan Outubru, ita hakerek manual setimu ano, mais agora 2025 nee ita kontinua ho manual setimu ano nee atu finaliza iha fulan Marsu nia laran, manual alunu ba disiplina hotu, disiplina 11, maibe ida relijiaun konsultor sira hakerek disiplina 10, kada disiplina ita sei kurrikulu nee hotu tiha agora ita hakerek hela manual alunu ba setimu ano involve mos giaun ba kada profesores ba disiplina,” dehan nia.
Nia dehan, iha fulan Marsu nia laran finaliza manual giaun profesores iha setimu ano, depois kontinua hakerek ho manual alunu ho giaun profesor ba oitavu, hein katak iha 2026 hahu implementa kurrikulu foun ba terseiru siklu, implementa gradualmente 2026 hahu implementa ba setimu ano kontinua.
(jac)
