DILI, STLTIMORLESTE.com – Pre Eskolar Moris Foun I halo pedidu ba Ministeriu Edukasaun (ME) kona-ba apoiu Guarda Eskola, atu nunee bele asegura Eskola refere, maibe pedidu neebe hatama too agora seidauk hetan resposta.
Liafuan nee hatoo husi Kordenadora Pre Eskolar Moris Foun I, Domingas Beatriz da Cunha ba jornalista STL iha nia knaar fatin, Kinta nee (15/05/2025).
“Kona-ba Guarda Eskola nee ami uluk halo pedidu karta ida ba ME para bele apoiu guarda eskola ida mai iha ami nian eskola, maibe husi edukasaun haree ba iha orsamentu, ami nian pedidu nee ami hatama dezde iha tinan 2020, maibe too agora ninia rezultadu laiha, tanba iha 2020 nee ami sei uza hela edifisiu tuan ida iha leten neeba, momentu neeba la seguru, dala ruma ema sobu, depois ami muda mai fali iha nee la seguru,” nia afirma.
Nia dehan, iha tinan 2023 nee sasan eskola nian lakon hotu, tanba ema sobu odamatan mak hasai sasan sira nee, nunee mos iha tinan 2024 feriadu tama mai sasan hanesan bikan, kanoru merenda eskolar nian lakon hotu, inklui material eskola nian.
“Ami presiza Guarda Eskola neebe atu asegura ami nian eskola, tanba laiha Guarda Eskola oinsa mak atu asegura eskola https://www.xavierfournier.com/12aebnw ho diak,” nia informa.
Iha parte seluk, Koordenador Pre Eskolar Sagrada Família Vila Verde, Cornelio A. Soares hatete, durante nee sira mos halo pedidu ba ME hodi apoiu Guarda Eskola, tanba iha Guarda Eskola mak bele asegura eskola.
“Ba asuntu nee ami halo ona pedidu ba ME, maibe la fo resposta too ohin loron, bainhira iha Guarda Eskola mak bele asegura eskola,” nia afirma.
Nunee mos Diretor Servisu Edukasaun Munisipiu Ainaro, Patricio da Costa Magno hatete, eskola 42 neebe hahu kedas husi inisiu too agora seidauk iha Guarda Eskola, maibe oinsa mak atu rezolve situasaun ida nee, ho https://experimentwithnature.com/03-found/3buquwx tinan nee bele rezolve ida rua, maibe haree liu ba iha eskola ida neebe mak importante liu ou sai risku liu.
“Hau hanoin kona-ba guarda eskola iha Munisipiu Ainaro nee ita iha ensinu baziku 8 mak iha Guarda Eskola, iha https://experimentwithnature.com/03-found/ldltjrgm sekundariu no tekvo ita kontratu ona, maibe seluk too agora ita seidauk iha Guarda Eskola. Eskola Ensinu Baziku 8 iha Munisipiu Ainaro mak iha Guarda Eskola no eskola seluk nee too agora seidauk iha Guarda Eskola, nee duni eskola 42 seidauk iha Guarda Eskola,” dehan nia.
(jac)
