DILI, STLTIMORLESTE.com – Eis kargu xefia hanesan Diretor no Koordenador sira husi eskola hahu simu ona sira nian subsidiu neebe durante nee sira kestiona.
Eis Diretor Ensinu Baziku Sentral (EBC – sigla português) Fatumeta, Feliciano Gusmao hatoo lia hirak nee ba STL iha nia knaar fatin Fatumeta, Sesta (10/01/2025).
“Hau sente kona-ba subsidiu husi Munisipiu Dili nian sai hotu ona, maibe koa ba taxa mak boot. Eis Kargu Xefia hanesan ami Diretor, Koordenador sira hotu kedas simu ona subsidiu ida nee, ami simu fulan 12 nian deit. Ami simu subsidiu nee iha Dezembru tinan kotuk nian nee, tama iha salariu 13 nee,” katak nia.
Feliciano hatutan, iha dia 30 Dezembru 2024 nee sira ba konfirma kedas no sira husu agradese ba Ministeriu Edukasaun, tanba iha ona vontade hodi selu ona sira nian subsidiu neebe mak durante nee sira kestiona, maibe sira mos ezije atu bele esforsu tan kona-ba eskalaun nian nee, tanba tama hotu ih lei 31 de Maio 2023 nian, hodi sira bele tau atensaun ba iha eskalaun nian, nee sira dehan sei buka lei oan ida hodi haforsa ba lei 31 de Maio nee.
Iha fatin seluk, Diretor EBC Manleuana, Carlos Correia hatete, subsidiu ba kargu xefia foun nee simu tiha ona iha tinan kotuk bainhira asume kargu, nee duni sira simu ona direitu ba subsdiu kargu ninia.
(jac)
