DILI, STLTIMORLESTE.com – Padre Richardo Pasang, SVD hatete, Jesus hatene mundu nee kroat hanesan Ahab, maibe Jesus la.hanorin nia ema atu sai Ahab foun neebe fo todan ba nia maluk seluk.
Padre Richardo hatoo lia hirak nee ba STL liu husi nia refleksaun loron Segunda (15/06/2026) semana ordinariu XI kor liturjia matak1. Leitura I: 1 Reis 21:1-16 istoria Ahab no toos uvas Nabot nian. Evanjelhu: Mat 5:38-42 – Jesus nia hanorin labele hasoru ema aat ho aat.
Padre dehan, iha primeiru leitura ohin loron nian, Livru Liurai sira hatudu katak liurai Ahab hakarak toos uvas Nabot nian neebe iha nia palasiu nia sorin. Maibe Nabot rejeita tanba nee nia bei ala sira nia riku-soin. Tanba ambisaun, Ahab no Izebel kria planu aat haruka sasin falsu, akuza Nabot katak nia koalia aat ba Maromak no liurai, depois kastigu nia too mate. Poder uza atu hatodan ema, laos atu serve.
Entretantu iha Evanjelhu ohin loron nian, Jesus muda mundu nia lojika. Imi rona ona, matan troka matan. Maibe Hau dehan ba imi labele hasoru ema neebe halo aat ba imi. ho fali tan hasan seluk, fo ropa liu fali buat neebe husu, lao mili rua. Nee laos konaba lakon, maibe konaba manan aat ho domin.
Padre dehan leitura rua ohin loron nian, lori mai ema atu reflete konaba mudansa kompromisu husi ambisaun ba domin laho kondisaun. Leitura rua ohin loron nian hafanu ema nia fuan iha buat rua, premeiru perigu Ahab iha ema nia laran.
Ahab iha buat hotu, maibe nafatin ambisaun. Nia hakarak Nabot nia toos uvas laos tanba presiza, maibe tanba hakarak nia poder boot liu tan. ema mos dalaruma hanesan nee. Iha ona HP diak, hakarak foun liu tan. Iha ona kargu, hakarak sae aas liu tan. Wainhira hahu haree ema seluk nia toos uvas, ema prontu halo buat hotu koalia aat, manipula, hamihis deit bainhira la los. Poder no ambisaun laiha domin no halakon ema. Maibe Nabot nafatin firme. “Maromak laran diak labele fo hau nia bei ala sira nia riku-soin ba o. Nia hili lolos maski selu folin nia vida. Fiel ba lia loos nee folin todan,” katak Padre.
“Segundu Jesus nia dalan manan aat ho domin no diak, Jesus hatene mundu nee kroat hanesan Ahab nia palasiu. Maibe Nia la hanorin ita atu sai Ahab foun neebe fo hatodan ema. Nia hanorin ita fo tan o nia Hasan seluk, fo barak liu husi saida neebe husu,” dehan Padre.
Pe haktuir tan katak, nee laos konvite atu sai fraku. Nee Maromak nia Reinu nia estratejia atu tesi vingansa nia kadia iha ema nia fuan. Se Ahab fo fila aat ho aat, raan nia siklu labele para. Jesus mai atu hapara siklu nee. Fo perdaun, fo buat ruma, hadomi inimigu nee Maromak nia dalan atu muda ema nia fuan.
“Maun alin sira neebe Maromak hadomi, Maromak husu buat rua ba ita, premeiru tos uvas se nian mak o haree hela? iha ema, direitu, ka riku-soin ema seluk nian neebe ita hakarak ho dalan la los? Barani liu husi koalia aat ka inveja iha ita nia moris loron-loron? se iha, mai ita rekonese no husu perdaun. Segundu bainhira hetan todan, o hili sai Ahab ka Jesus nia disipulu? ema nia naran fo fila. Maibe Jesus konvida ita sae nível harohan, fo, no fo perdaun. Maski nee todan maibe domin deit mak bele hadia ita nia hanoin no muda inimigu sai maun alin, Mai ita hadomi malu hanesan Maromak hadomi ona ita,” hakotu.
(eme)
