DILI, STLTIMORLESTE.com – Misa Sabadu Santo hodi halo selebrasaun kreda neebe furak liu no kmanek, husi vitoria Nai Jesus Kristu moris hias husi mate.
Haklaken, Padre Parokia Santo Antonio Motael, Guilhemino da Silva liu husi omilia misa kalan Sabadu Santo iha Igreja Santo Antonio Motael, Sabadu (4/4/2026).
Pe. Guilhermino hateten, liu husi liturjia neebe hahu halo selebrasaun iha nakukun husi ahi-matan foun, husi ahi-matan foun sunu lilin hodi lori ita hakat ba istoria moris nian. Basa molok iha naroman sempre iha kalan nakukun, molok iha moris hias sempre iha kruz, molok iha aleluia sempre iha mata-ween ho tanis. Nee duni, kalan ida kreda laos bafenas selebra akontesimentu ida, kalan ida nee kreda lori tama viajen tomak Maromak nian hamutuk ho nia povu hahu husi kriasaun, sakrifikasaun, transisaun, restoura ate too iha konvinante durante neebe mamuk too kristu moris hias husi mate.
Kristu nia moris hias husi ema sira ho forsa nakukun nia, neebe Kristu rasik halo hotu ona planu salvasaun neebe profisianal ona hori uluk kedas, tan nee hodi harahun ona portaun mate nia, la iha kbiit nakukun nia ida mak bele forsa atu hasoru nia, nakukun la tama ona hasoru Maromak.
Jesus Kristu hatudu nia vitoria hasoru mate no forsa husi poder nakukun nia. Nee duni, Jesus mai laos hatoo konferensaun, maibe nia mai ho nia vitoria katak, Kristu manan ona, nia manan ona hadau salva mate husi kbiit nakukun nia forsa hodi haraik dame ba ema hotu.
Tan nee kalan paskua kalan furak ida neebe lori ita rona leitura sagrada barak husi eskritoria, hotu rona dadauk lia fuan Maromak nia neebe lori vitoria ba ita hotu. Maluk sira moris hias kristus nia lori ita atu hatene kona-ba notisia saida mak akontese, kristu nia moris hias.
(ger)
