DÍLI, STLTIMORLESTE.com — Ekipa voleibol feto Joli-Tomi vence Assalam ho rezultadu 3–1 iha Liga Voleibol Timor-Leste Primeira Divizaun Époka 2026.
Partida ne’e hala’o iha Ginásio Dili, tersa-feira (20/10/2026), ho kompetisaun maka’as entre ekipa rua, ne’ebé hatudu kapasidade no determinasaun atu hetan vitória.
Joli-Tomi hahú partida ho di’ak, hodi manan set dahuluk ho rezultadu 25–22, antes kontinua domina set daruak ho vitória 25–12, hodi lidera partida 2–0.
Maski lakon set rua dahuluk, Assalam la rende an no kontinua fó rezisténsia maka’as iha set datoluk, hodi obriga Joli-Tomi luta maka’as atu hetan pontu.
Iha set datoluk, ekipa rua troka malu pontu ho kompetisaun maka’as, maibé Assalam konsege manan ho rezultadu 25–23, hodi hamenus diferensa set ba 2–1.
Depois lakon set datoluk, Joli-Tomi fila fali ho determinasaun forte iha set dahaat, hodi kontrola jogu no manan ho rezultadu 25–15.
Vitória iha set dahaat asegura Joli-Tomi manan partida ho rezultadu jerál 3–1, maski Assalam hatudu rezisténsia maka’as durante kompetisaun.
Ho vitória ne’e, Joli-Tomi kontinua hatudu prestasaun di’ak no hametin nia oportunidade atu hetan rezultadu pozitivu iha Liga Voleibol Timor-Leste Primeira Divizaun Époka 2026.
(leo)
