DILI, STLTIMORLESTE.com – Eskola hotelaria no turizmu sempre fo hanoin ba manorin sira, kada loron tenke submete sira nian planu aula.
Liafuan nee haktuir husi Adjuntu Diretor Eskola Hotelaria no Turizmu Bekora, Charles F. Guterres ba STL, Domingu nee (12/01/2025).
“Asegura prosesu aprendizajen lao ho diak, kontrola manorin sira tama no hanorin iha sala laran ka lae, fo hatene ba manorin sira atu submete planu aula molok atu hanorin. Halo planu ba manorin foun sira atu tuir formasaun pedagogy, hodi eleva sira nia kualidade hanorin no utiliza various metodu do ensinu, no ikus liu mak avalia mestre ka mestra sira nia kualidade hanorin,” dehan nia.
Nia hatutan, nuudar edukador neebe diak atu prepara estudante ho kualidade neebe diak mak profesor sira tenki prepara jerasaun foun sira neebe ba futuru rai nee nian, ho ida nee eskola nafatin halo komtrolu ba ensinu aprendizajen.
Nia hatutan, atu muda karakter estudantes neebe la hanesan, nuudar manorin neebe profisional, profesor tenke konhese nia estudante ho diak no hatene sira nia karakter.
Iha fatin seluk, Eis Diretor EBC Fatumeta, Feliciano Gusmão dehan, hanesan edukador kada loron sempre halo planu aula, tanba antes aprendizajen nee lao, profesor idak-idak iha ona planu aula.
(jac)
