DILI, STLTIMORLESTE.com – Previzaun tempu bá loron ohin Segunda (18/05/2026), udan ho intensidade moderadu/naton ba forte, prinsipalmente iha rejiaun central no oeste liu-liu iha munisipiu sira hanesan: (Ainaro, Bobonaro, RAEOA inklui Covalima).
Liu husi pajina Diresaun Nasional Metereologia no Geofisika (DNMG), hatete, Ministerio dos Transportes e Comunicações (MTC) liu husi DNMG hakarak informa ba publiku katak instabilidade atmosferika ba loron ohin sei kontinua persiste instavel, iha neebe sei kontinua favorese udan ho intensidade moderadu/naton ba forte, prinsipalmente iha rejiaun central no oeste liu-liu iha munisipiu sira hanesan: (Ainaro, Bobonaro, RAEOA inklui Covalima). Restante munisipiu sira seluk, intensidade udan sei varia husi chufiska ba fraku, preferensialmente iha periodu lorokraik ba inisiu kalan.
Kondisaun anin bá loron ohin atensaun bá velosidade anin iha rejiaun kosteiras, prinsipalmente iha Kosta Leste.
Velosidade anin bá loron ohin sei huu ho velosidade normal moderadu/naton (10-18 km/h) iha Kosta Norte no Leste, liu-liu iha munisipiu sira hanesan:(Atauro, Manatuto no Lautem). Enkuantu restante munisipiu sira seluk, kondisaun refere sei varia normal-moderadu (7-15 km/h).
Entertantu kondisaun tasi, laloran tasi nia aas bá loron ohin sei normal (0.3-0.9m) tantu iha Kosta Norte kuantu iha Sul.
(dom)
