DILI, STLTIMORLESTE.com – Membru iha Parlamentu Nasional (PN) husu Ministru Komersiu Industria (MKI) atu kria lei hodi regulariza ema estranjeiru sira neebe hakarak loke negosiu iha Timor Leste (TL).
“Xineza sira neebe halo negosiu iha Timor Leste nee damaziadu ona, favor ida husu ba governu atu haree took lei hodi regulariza atividade negosiu, nunee labele ba faan tama too bairu laran sira nee,” hatete Deputadu Bankada FRETILIN, Oscar Lima liu husi plenaria PN, Segunda (09/12/2024).
Nia hatutan, governu tenki regulariza lalais Xineza sira, tanba sira laos faan deit iha Dili laran maibe faan too ona foho.
“Iha fatin balu neebe uluk seidauk tama agora faan hotu ona, hau nia rain Ermera mos agora tama, la hatene agora nee mane foun Xina, karik neebe favor ida husu governu atu halo lei ida hodi regulariza Xineza sira neebe halo negosiu iha rai laran, se lae sei taka dalan ba Timoroan sira neebe hakarak loke negisiu kiik,” realsa nia.
(alb)
